撈碧刁

撈碧刁（No Big Deal）

所謂「碧刁」與「撈碧刁」，都只不過係自己「刁」！

灘叔話：「只要真心付出過，就已經快樂過；其他功與過，都係『撈碧刁』！」

灘叔二○一○年再擔大旗，配合天行者出版推出精緻小書《撈碧刁》。
用精警小句配精彩風景，自喻為好香港仔的灘叔拒絕長篇大論，希望用小書小句跟讀者來個新形式溝通。
將日常小情趣放大，將每天心思縮小，歡樂從來簡單「撈碧刁」！

金句摘錄：
「愈唔志在，愈多意外；愈唔志在，愈keep得耐；愈唔志在，愈少傷害。」
「睇書都要3D！壽衣都要LV。」
「今日艱難，是為了他朝優閒。」
「天有不測風雲，人有霎時patpat痕。」名人推介：

黎明：
「心裡不存在碧刁，一切就自然撈碧刁。」

黃興桂：
「《撈碧刁》認真得嚟好似hae，詼諧得嚟有真理，我啲金句幾得意，係咩唔係喎，阿Matt嘅《撈碧刁》，先嗒落好味得多。」

賣點：
- 過去作品《麻不甩》《愛情補藥黨》熱賣暢銷，榮登各大書店暢銷榜十大位置。
- 作者擅長編寫輕鬆感性的電影作品，如《茱麗葉與梁山伯》(2000)、《百分百感覺》等，文字風格刁鑽幽默、言之有物，提供讀者豐富的可讀者性。
- 作者為觀眾熟悉及歡迎，主持過電台黃金時段的清談節目《嘩嘩嘩打到嚟》、《在晴朗的一天出發等》，《一八七二遊花園》等。又經常在幕前作令人印象深刻的配角演出，例如《志明與春嬌》衞生督察、《初戀無限touch》喇沙仔、《爆烈刑警》投訴王、《洪興十三妹》史sir及《百份百感覺》華dee等等。
- 推崇「撈碧刁」精神，輕輕鬆鬆，一點靈犀，以好玩爆笑金句貫徹全書，勢創潮流術語新指標。

自序摘錄：
做完《愛情補藥黨》之後，每每遇上有心人提問到「你幾時再出書？」我都係答呢個標準答案：「都諗唔到寫乜！」
直到五月尾的一個星期四下午，我同阿媽飲下午茶，佢突然問我「No Big Deal係咪解冇所謂？」
阿媽咁虛心問到，我當然用心回答佢啦。
「No Big Deal係咪解冇所謂，其實又有咩所謂，只要你覺得係冇所謂，No Big Deal就係解冇所謂；咁如果你係覺得有所謂，No Big Deal明明係解冇所謂，都變成有所謂啦！總之No Big Deal係有所謂定冇所謂，就視乎你自己決定係有所謂定冇所謂喇！明未呀？」，阿媽呆了七秒後，似明非明地點頭，然後繼續追問我「咁點寫呢？」
我就教她最正宗寫法：

撈碧刁

阿媽望住呢三個字七秒後開聲「你下一本書，個書名就叫《撈碧刁》啦！」我呆望佢七秒才懂得回應「好呀！但係你可唔可以話埋畀我知，內容係寫乜呢？」
阿媽諗都唔使諗就答我「撈碧刁」！
就係因為阿媽呢三個字，我用兩個星期完成「撈碧刁」，亦同時肯定到，所謂「碧刁」與「撈碧刁」，都只不過係自己決定（or刁），只要真心付出過，就已經快樂過！其他功與過，都係「撈碧刁」。
希望「撈碧刁」可以令到大家快樂！
我有個小小心願，我希望有日搭車（or搭巴士、搭地鐵）、搭船、搭飛機時，若果咁啱遇到你正在看《撈碧刁》，我就會請你飲一杯「花刁」，但由於車上、船上，機上都無「花刁」賣，所以如果你有時間的話，可以等到你落車，落船，落飛機後，我再搵個地方請你去飲「花刁」or食埋「炒貴刁」都得！
無論你刁定我刁！
刁 or 撈刁？
如果刁，到時記住大聲同我「刁」！
好！就一「刁」為定！

鄒凱光
鄒凱光Matt, Chow Hoi-Kwong，香港資深電影編劇、導演，近年成為受歡迎的電台節目主持人，目前於商台星期一至五朝早7-10主持《在晴朗的一天出發》。

鄒凱光創作作品廣為港人熟識，電影或電台作品包括：電台主持節目《夜夜開放》、《她他她打到嚟！》、《在晴朗的一天出發》；編劇作品《狗咬狗》、《金雞》、《三更之回家》、《茱麗葉與梁山伯》等；

導演作品《七年很癢》、《男歌女唱》等。其演出作品更是令人印象深刻，包括：《新紥師妹 3》、《地下鐵》、《百分百感覺２》、《爆裂刑警》、《一個字頭的誕生》等。

2003年憑《三更之回家》獲第22屆香港電影金像獎最佳編劇獎提名。

1999年憑《爆裂刑警》獲得香港電影評論學會最佳編劇獎。

1998年憑《一個字頭的誕生》獲第17屆香港電影金像獎最佳編劇獎提名。

網誌《海灘的一天》http://www.unklebeach.blogspot.com瀏覽人次已超過八十萬。

鄒凱光作品列表:
《麻不甩》特別版
《撈碧刁》（No Big Deal）
《愛情補藥黨》
《麻不甩》